sea

જો પ્રીત મળે કોઇ તો ગીત બની જઇએ.

જો ગીત મળે કોઇ સંગીત બની જઇએ.

સંગીત મળે કોઇ તો સૂર બની જઇએ.

જો સૂર મળે કોઇ તો સરગમ બની જઇએ.

સરગમ જો મળે કોઇ તો તાલ બની જઇએ.

જો તાલ મળે કોઇ તો નૃત્ય બની જઇએ.

જો પ્રીત મળે કોઇ તો ગીત બની જઇએ……

જો પુષ્પ મળે કોઇ તો પર્ણ બની જઇએ.

જો વૃક્ષ મળે કોઇ તો છાઁવ બની જઇએ.

જો ઋત મળે કોઇ વરસાદ બની જઇએ.

આકાશ મળે કોઇ તો પંખ બની જઇએ.

જો બુંદ મળે કોઇ , સમુદ્ર બની જઇએ.

જો દીપ મળે કોઇ, પ્રકાશ બની જઇએ.

જો ચંદ્ર મળે કોઇ, તો ચકોર બની જઇએ.

આનંદ મળે કોઇ તો સ્મિત બની જઇએ.

જો હાથ મળે કોઇ તો સાથ બની જઇએ.

જો “શેર” મળે કોઇ તો શાયર બની જઇએ.

કોઇ ભેદ ને છુપાવા ચલો “રાઝ” બની જઇએ.

Advertisements